وربجي/تحروا الهلال سيكافا في انتظار المريخ )))((( لابد
عدد القراءات 284
شوربجي/تحروا الهلال سيكافا في انتظار المريخ )))((( لابد من لوزان وان طال السفر : وقضي الامر ولابد من لوزان ولو طال السفر وشمر عن ساعديك ايها المحامي الشاطر عماد الطيب فلقد ايدت لجنة الاستئنافات تسجيل بكري المدينه في المريخ ولعله سيدفع الثمن غاليا ان وصلت شكوي الهلال الي دهاليز الفيفا وانهم مازالوا يتوسلون الهلال لكي يعفو عن بكري المدينه وقيل ان الهلال لن يتنازل عن قضية بكري وقيل ان المريخ كان هو من يعمل علي تجميد الاستئناف وقيل ان المريخ بدأ يتوسل الهلال مره اخري في عدم الذهاب بعيدا بهذه القضيه وقيل ان شخصيات حمراء سياديه تعمل علي اقفال هذا الملف وقيل ان شخصيات زرقاء حكوميه تعمل علي ايصال القضية للفيفا وقيل ان شخصيات سياديه ظلت تستجدي الهلال استجداء وقيل ان الهلال رافض رافض يا ولدي وعلي المريخ ان يبل رأسه وينتظر العقوبات الفيفيه وعلي المريخ ان يجهز نفسه للهبوط للمراحل السنيه وعلي بكري ان يجهز المليارات لكي يردها لجمال الوالي ولكن بكري صرفها في الشيله والعرس وشهر العسل المحامي الشاطر عماد الطيب قال ان الهلال رفض استجداء المريخ وانهم في الهلال ماضون فى قضية بكرى المدينه حتى محكمة لوزان والمشكله ان البشير هلالابي والكاردينال طبعا حيرص لينا الناس من حلفا الي لوزان وادارة الكاردينال القويه سترفض عشان موروثات الهلال ويعود بكري الي ديم المشايخة ليلعب في حواريها وبراي سويتها في نفسي وفعلا الفلوس تضعف النفوس والعارف عزو مستريح والفلوس واليكم سيناريو لوزان : ففي لوزان يعد سيناريو ازرق فقد قام الهلال بتسديد 30000 فرنك سويسري ويقولون ان ادارة نادي الهلال قد كلفت المحامي روس وينزل في قضية بكري ويقولون ان المحكمة ستعقد رسميا وكالتالي : لارس هالجرين - من كوبنهاجن/الدنمارك -رئيس المحكمة - أوليفيير كارارد - من جنيف/سويسرا- مُحَكَّم - مارك أ. هوفيل - من مانشستر/المملكة المتحدة - ممثل الهلال : المحامي روس وينزل - لوزان/سويسرا والكلام دخل الحوش انه الهلال العظيم )))((( كاس بلا جواد : ودايرين لينا بطولة ايها الوالي خلاص روحو بورسودان وانا حعمل ليكم بطوله وبشتري ليكم كاس جديد والمصاريف كلها علي والطياره علي حسابي وركبوا معاكم ناس كمبالا سيتي وانزلوا معاهم في فندق واحد ولازم تاكلوا مع بعض كمبالا سيتي قال ما حيغلبنا في بورسودان والمهم عندهم يقبضوا المعلوم والمباراة لازم يفوز فيها المريخ ووديدي عارف حيعمل شنو وغدا ستكتب الاقلام الحمراء ان المريخ يبدع ويفوز بكاس السياحه حقا لقد كانت مباراة بايخة ومسيخه وعاملين ليها شنه ورنه وكاسات وجوائز ولقاءات مع مزمل ابو القاسم ومحسن سيد يبتسم ويقول ان المباراة تجربه حقيقيه وعليها الدور وعليها الدور بعد ذهاب برهان تيه والظاهر ان المباراة مدفوعة الثمن فليس هذا هو كمبالا سيتي الذي هزم المريخ في التمهيدي فريق ظاهره عليهو دولارات مهرجان السياحه وايلا والوالي كلهم كيزان والمصلحه واحده فما اراده المريخ هو الفوز علي كمبالا سيتي بالذات وحتي تنجلي عقدة التمهيدي التي ظلت تؤرق ادارة المريخ وفي الطريق عزام الخطير الذي سيصعق فريق المريخ لقد كانت مباراة في غاية السوء ونحن نري لاعبي المريخ يجرجرون ارجلهم في الملعب ظني ان فريق المريخ لن يواصل مسيرته الافريقيه وانه لن يقوي علي بطولة افريقيا وكالعاده سيخرج من التمهيدي وما مشكله فسيكافا في الانتظار محمد حسن
ليست هناك تعليقات:
إرسال تعليق