محمد عبد الماجد
>>>>>>>>>>>>>>>>>
)صوركم( بقت اكتر من )كوركم(
>>>>>>>>>>>>>>>>>
>>>>>>>>>>>>>>>>>
)صوركم( بقت اكتر من )كوركم(
>>>>>>>>>>>>>>>>>
• …و
• نحن ولا بنكضب.
• ولا بنجامل.
• ولا بننتظر ناس )سلك( يقولوا لينا الطريق دا اعوج.
• لمن الحكاية تفوت حدها برانا بنوقفها.
• ولا بنغشكم.
• ولا بنطبطب عليكم.
• الباب يفوت جمل.
• سلك لمن )اسلام( تلكزو وتقول ليه يا بابا الكلام البعمل فيه المريخ دا غلط.
• سلك ما بشوف غلط المريخ إلّا لمن اسلام تقول ليه كدا.
• ان بقى على سلك براهو – اصلو ما شايف ليه حاجة غلط في المريخ.
• الوصافة سلك شايفها انجاز.
• لكن يا سلك مع الخرطوم الوطني والاهلي شندي السنة دي اقنعوا من الوصافة.
• الشافكم السنة القادمة بتلعبوا في الكونفدرالية ما كضب.
• فريق الكونفدرالية ظاهر من تسجيلاتو.
• صديق علي صالح دا الموسم القادم بيلعبكم في الكونفدرالية.
• و…
• )نرجع لي ناس الهلال(.
• الليلة ناس المريخ ما عاوزين نغلط معاهم…)اجدع ناس( مالهم ما عندهم اي مشكلة.
• ناس الهلال ذكروني ليك حكاية كدا.
• زمان اي واحد يكون عاوز يعرس …اهلو واصحابو واي زول بيلاقيه بقول ليه
عليك الله ما تنسانا من )الصور(.
• اي زول بحجز ليه )صورة( من صور العرس – من العريس او العروس.
• العريس في الصورة تلقاه عامل كيف ؟ زي علبة الساردين الفاضية.
• وكان ممكن يحصل زعل ومقاطعات عديل كدا لو في عريس عرس وصورة العرس ما
وصلت لي خالتو او ما وصلت عمتو.
• عشان كدا العريس لمن يمشي الاستديو اول حاجة بقول لبتاع الاستديو عاوز
لي )120( صورة.
• ودا السبب الخلي ليك بتاعين الاستديو يغنوا من العرسان.
• العرسان ذاتو بقوا يشيلوا هم للصور.
• الصور عاوزة ليها ميزانية براها.
• الواحد من يقول عاوز يعرس – يقولوا ليه طلع قروش الصور وخليها براها –
اوعك تهبشها.
• في ناس مهمتهم في الدنيا دي بس يشفقوا العريس.
• اي حاجة يصعبوها ليه.
• الكوافير والاستديو.
• والحاجات البتكون ما عامل ليه ميزانية اكتر حاجة بتنشف ريقك.
• الوصية بالمهلة.
• مهما تضايق وتتعصر ما تهبش قروش الصور وقروش الكوافير.
• دي ثقافة بقت ثابتة في الاعراس.
• قالوا ليك في عريس نخرتو كبيرة ..ساق عروسو ومشى الاستديو.
• المصور قدر ما اتحرفن ونزل ليك تحت الكاميرا وجا بي غادي عشان )النخرة(
دي تدخل في الصورة ما قدر.
• قدر ما حاول ..ما عرف يجيب )النخرة( في الصورة.
• كل ما يصور ليه صورة – النخرة تطلع برة الصورة.
• اخر حاجة مدير الاستديو قال للعريس ابو نخرة دي : )اسمع نحن ح نصورك
لكن نخرتك دي تجي تستلم صورها مع صور العريس الذي تصور بعدك(.
• نخرتو مدفقة في صورة العريس التانية.
• اعمل ليه شنو انا.
• ما تقعدوا تشيلوا لي )استغرابكم( كدا …وتقعدوا تعاينوا لي في صورة
العمود…وتقعدوا تحسبوا لي في )نخرتي(.
• )الصحفيين( برضو عندهم هوس اسمو صورة العمود.
• الواحد فيهم كل يوم يبدل صورة العمود.
• ويعمل ليك ايدو كدا كيف ما عارف.
• موش مرات انا ذاتي بعمل ليكم الحركات دي.
• اها اقعدوا )استغربوا( لي.
• الاستغراب دا زي )الكرفتة( اللونها مشاتر لا ماشي مع البدلة ولا مع القميص.
• في كرفتات كدا.
• و…
• )وشنو تاني؟(.
• ناس الهلال هسع بقوا ماشيين بنفس الطريقة.
• بقوا كل مرة يطلعوا لينا صورة جديدة.
• تقول عرسان.
• نادي الهلال بقى استديو الهلال.
• يا ناس الهلال انتوا عاوزين الجد..صوركم كترت.
• كان ترضوا وكان تزعلوا.
• بنقول ليكم الحقيقة.
• شنو كل مرة طالعين لينا بي صورة جديدة.
• مرة بي بدل.
• ومرة بي الزي الجديد.
• ومرة في الاحتفال.
• ومرة في المطار.
• ومرة في الامارات.
• ومرة في الصالة.
• ديل من مبالغاتهم )البص( ذاتو بقوا كل يوم والتاني يجيبوا لينا صورة.
• مرة في بورتسودان.
• ومرة في سواكن.
• ومرة في سوبا.
• ومرة امام نادي الهلال.
• ومرة بالاستكير.
• ومرة بدون استكير.
• اها نحن )الاستكير( نعمل بيه شنو؟.
• جاملناكم ساكت وعملناه ليكم موضوع.
• كمان ما تقوموا تمسكوه لينا بي عدلكم.
• بصكم دا الصور الاتصورها …تامر حسني ما اتصورها.
• يعني بصكم دا بمشي بي لستك واحد.
• العبقرية في البص وين يعني؟.
• انتوا عاوزين تعملوها لينا كلها صور.
• )تصوروا( جاتنا خوفة.
• برضو نصور – مالك انت عاوز تعمل لينا ازمة.
• خفت الكاردينال دا يكون عاوز يهد نادي الهلال عشان يعمل ليه )استديو(.
• الكاردينال صورو ذاتها ما قاعد يقصر فيها.
• كلو يوم طالع لينا بي صورة جديدة.
• تقول بلعب مع ناس عبداللطيف بويا كورة.
• يا كاردينال الصور الكتيرة ما كويسة.
• احسن ما تتعلم على الصور.
• وتعملها لينا كلها صور.
• واحتفالات.
• قلت ليك انا – اليوم الاول بنجاملكم.
• اليوم التاني بنقول ما في مشكلة.
• لكن اليوم التالت – بنواجهكم عديل كدا بالحقيقة.
• شوف شغلك يا كاردينال ما تركز على الصور.
• الصور دي بتكمل قروشك!!.
• الصور دي لا بنعدها ليك انجاز ولا حاجة.
• صحيح شكرناكم في اليوم الاول.
• وقلنا )بدلكم( دي عند عقد الجلاد مافي.
• انتظرنا بيكم رأس السنة.
• لكن كمان ما تمسكوا لينا في الموضوع بي عدلكم.
• قلنا عليكم سفراء.
• وقلنا وزراء عديل.
• لكن لا السفراء ولا الوزراء بلعبوا كورة.
• الكلام الكتير ما كويس.
• ما تبقوا لينا )ابطال( في مرحلة الاعداد.
• وتخلوا الناس يحلموا بالانجازات والانتصارات والبطولات.
• ما تبقوا لينا زي ناس المريخ فصاحتهم كلها في التسجيلات وفي فترة الاعداد.
• واول ما يبدأ الموسم ناس مزمل ابوالقاسم يحتجبوا لظروف فينة.
• ومامون ابوشيبة يرجع يقول لينا عندنا ضربة جزاء سنة 1996م الحكم ما احتسبها لينا.
• خلاص يا ابوشيبة ..السنة دي تعال في اول مباراة للمريخ ..خلوا الحكم
يحتسب ليكم ضربة الجزاء التى لم يحتسبها ليكم سنة 1996م.
• عشان نبقى خالصين.
• ونرتاح من الموضوع دا.
• ونشوف لينا شغلة تانية.
• الصورة الكتيرة ما بتجيب ليها بطولة.
• ولا في انتصار اتحقق بي صورة.
• انسوا موضوع الكاميرات دي.
• وخلوا اعدادكم بعيد عن الاضواء والصور وكلام الجرايد.
• مهم جدا ان يكون الاعداد بعيد عن صفحات الصحف.
• خلاص الهلال دخل معسكر مقفول.
• مفروض يكون مقفول بمعنى الكلمة.
• ابعدوا )الصحف( من معسكر.
• وخلوا تغطية المعسكر في حد المعقول.
• انا عارف صحف الهلال كلها هذه الايام بتتنافس في اخبار الهلال وعرض
الاعداد والمعسكر.
• الهدوء رجاء.
• وقليل قليل من التركيز احسن.
• ما تركزوا شديد مع الهلال.
• خلونا نشوف باريس سان جيرمان ح يعمل شنو في الجماعة.
• انتوا تعالوا هنا.
• اها في شنو كمان؟.
• عاوز تقول شنو؟.
• ما عاوز اقول اي حاجة.
• عاوز ارسل العمود لي لنميري شلبي.
• و…
• وانتهى…..
• نحن ولا بنكضب.
• ولا بنجامل.
• ولا بننتظر ناس )سلك( يقولوا لينا الطريق دا اعوج.
• لمن الحكاية تفوت حدها برانا بنوقفها.
• ولا بنغشكم.
• ولا بنطبطب عليكم.
• الباب يفوت جمل.
• سلك لمن )اسلام( تلكزو وتقول ليه يا بابا الكلام البعمل فيه المريخ دا غلط.
• سلك ما بشوف غلط المريخ إلّا لمن اسلام تقول ليه كدا.
• ان بقى على سلك براهو – اصلو ما شايف ليه حاجة غلط في المريخ.
• الوصافة سلك شايفها انجاز.
• لكن يا سلك مع الخرطوم الوطني والاهلي شندي السنة دي اقنعوا من الوصافة.
• الشافكم السنة القادمة بتلعبوا في الكونفدرالية ما كضب.
• فريق الكونفدرالية ظاهر من تسجيلاتو.
• صديق علي صالح دا الموسم القادم بيلعبكم في الكونفدرالية.
• و…
• )نرجع لي ناس الهلال(.
• الليلة ناس المريخ ما عاوزين نغلط معاهم…)اجدع ناس( مالهم ما عندهم اي مشكلة.
• ناس الهلال ذكروني ليك حكاية كدا.
• زمان اي واحد يكون عاوز يعرس …اهلو واصحابو واي زول بيلاقيه بقول ليه
عليك الله ما تنسانا من )الصور(.
• اي زول بحجز ليه )صورة( من صور العرس – من العريس او العروس.
• العريس في الصورة تلقاه عامل كيف ؟ زي علبة الساردين الفاضية.
• وكان ممكن يحصل زعل ومقاطعات عديل كدا لو في عريس عرس وصورة العرس ما
وصلت لي خالتو او ما وصلت عمتو.
• عشان كدا العريس لمن يمشي الاستديو اول حاجة بقول لبتاع الاستديو عاوز
لي )120( صورة.
• ودا السبب الخلي ليك بتاعين الاستديو يغنوا من العرسان.
• العرسان ذاتو بقوا يشيلوا هم للصور.
• الصور عاوزة ليها ميزانية براها.
• الواحد من يقول عاوز يعرس – يقولوا ليه طلع قروش الصور وخليها براها –
اوعك تهبشها.
• في ناس مهمتهم في الدنيا دي بس يشفقوا العريس.
• اي حاجة يصعبوها ليه.
• الكوافير والاستديو.
• والحاجات البتكون ما عامل ليه ميزانية اكتر حاجة بتنشف ريقك.
• الوصية بالمهلة.
• مهما تضايق وتتعصر ما تهبش قروش الصور وقروش الكوافير.
• دي ثقافة بقت ثابتة في الاعراس.
• قالوا ليك في عريس نخرتو كبيرة ..ساق عروسو ومشى الاستديو.
• المصور قدر ما اتحرفن ونزل ليك تحت الكاميرا وجا بي غادي عشان )النخرة(
دي تدخل في الصورة ما قدر.
• قدر ما حاول ..ما عرف يجيب )النخرة( في الصورة.
• كل ما يصور ليه صورة – النخرة تطلع برة الصورة.
• اخر حاجة مدير الاستديو قال للعريس ابو نخرة دي : )اسمع نحن ح نصورك
لكن نخرتك دي تجي تستلم صورها مع صور العريس الذي تصور بعدك(.
• نخرتو مدفقة في صورة العريس التانية.
• اعمل ليه شنو انا.
• ما تقعدوا تشيلوا لي )استغرابكم( كدا …وتقعدوا تعاينوا لي في صورة
العمود…وتقعدوا تحسبوا لي في )نخرتي(.
• )الصحفيين( برضو عندهم هوس اسمو صورة العمود.
• الواحد فيهم كل يوم يبدل صورة العمود.
• ويعمل ليك ايدو كدا كيف ما عارف.
• موش مرات انا ذاتي بعمل ليكم الحركات دي.
• اها اقعدوا )استغربوا( لي.
• الاستغراب دا زي )الكرفتة( اللونها مشاتر لا ماشي مع البدلة ولا مع القميص.
• في كرفتات كدا.
• و…
• )وشنو تاني؟(.
• ناس الهلال هسع بقوا ماشيين بنفس الطريقة.
• بقوا كل مرة يطلعوا لينا صورة جديدة.
• تقول عرسان.
• نادي الهلال بقى استديو الهلال.
• يا ناس الهلال انتوا عاوزين الجد..صوركم كترت.
• كان ترضوا وكان تزعلوا.
• بنقول ليكم الحقيقة.
• شنو كل مرة طالعين لينا بي صورة جديدة.
• مرة بي بدل.
• ومرة بي الزي الجديد.
• ومرة في الاحتفال.
• ومرة في المطار.
• ومرة في الامارات.
• ومرة في الصالة.
• ديل من مبالغاتهم )البص( ذاتو بقوا كل يوم والتاني يجيبوا لينا صورة.
• مرة في بورتسودان.
• ومرة في سواكن.
• ومرة في سوبا.
• ومرة امام نادي الهلال.
• ومرة بالاستكير.
• ومرة بدون استكير.
• اها نحن )الاستكير( نعمل بيه شنو؟.
• جاملناكم ساكت وعملناه ليكم موضوع.
• كمان ما تقوموا تمسكوه لينا بي عدلكم.
• بصكم دا الصور الاتصورها …تامر حسني ما اتصورها.
• يعني بصكم دا بمشي بي لستك واحد.
• العبقرية في البص وين يعني؟.
• انتوا عاوزين تعملوها لينا كلها صور.
• )تصوروا( جاتنا خوفة.
• برضو نصور – مالك انت عاوز تعمل لينا ازمة.
• خفت الكاردينال دا يكون عاوز يهد نادي الهلال عشان يعمل ليه )استديو(.
• الكاردينال صورو ذاتها ما قاعد يقصر فيها.
• كلو يوم طالع لينا بي صورة جديدة.
• تقول بلعب مع ناس عبداللطيف بويا كورة.
• يا كاردينال الصور الكتيرة ما كويسة.
• احسن ما تتعلم على الصور.
• وتعملها لينا كلها صور.
• واحتفالات.
• قلت ليك انا – اليوم الاول بنجاملكم.
• اليوم التاني بنقول ما في مشكلة.
• لكن اليوم التالت – بنواجهكم عديل كدا بالحقيقة.
• شوف شغلك يا كاردينال ما تركز على الصور.
• الصور دي بتكمل قروشك!!.
• الصور دي لا بنعدها ليك انجاز ولا حاجة.
• صحيح شكرناكم في اليوم الاول.
• وقلنا )بدلكم( دي عند عقد الجلاد مافي.
• انتظرنا بيكم رأس السنة.
• لكن كمان ما تمسكوا لينا في الموضوع بي عدلكم.
• قلنا عليكم سفراء.
• وقلنا وزراء عديل.
• لكن لا السفراء ولا الوزراء بلعبوا كورة.
• الكلام الكتير ما كويس.
• ما تبقوا لينا )ابطال( في مرحلة الاعداد.
• وتخلوا الناس يحلموا بالانجازات والانتصارات والبطولات.
• ما تبقوا لينا زي ناس المريخ فصاحتهم كلها في التسجيلات وفي فترة الاعداد.
• واول ما يبدأ الموسم ناس مزمل ابوالقاسم يحتجبوا لظروف فينة.
• ومامون ابوشيبة يرجع يقول لينا عندنا ضربة جزاء سنة 1996م الحكم ما احتسبها لينا.
• خلاص يا ابوشيبة ..السنة دي تعال في اول مباراة للمريخ ..خلوا الحكم
يحتسب ليكم ضربة الجزاء التى لم يحتسبها ليكم سنة 1996م.
• عشان نبقى خالصين.
• ونرتاح من الموضوع دا.
• ونشوف لينا شغلة تانية.
• الصورة الكتيرة ما بتجيب ليها بطولة.
• ولا في انتصار اتحقق بي صورة.
• انسوا موضوع الكاميرات دي.
• وخلوا اعدادكم بعيد عن الاضواء والصور وكلام الجرايد.
• مهم جدا ان يكون الاعداد بعيد عن صفحات الصحف.
• خلاص الهلال دخل معسكر مقفول.
• مفروض يكون مقفول بمعنى الكلمة.
• ابعدوا )الصحف( من معسكر.
• وخلوا تغطية المعسكر في حد المعقول.
• انا عارف صحف الهلال كلها هذه الايام بتتنافس في اخبار الهلال وعرض
الاعداد والمعسكر.
• الهدوء رجاء.
• وقليل قليل من التركيز احسن.
• ما تركزوا شديد مع الهلال.
• خلونا نشوف باريس سان جيرمان ح يعمل شنو في الجماعة.
• انتوا تعالوا هنا.
• اها في شنو كمان؟.
• عاوز تقول شنو؟.
• ما عاوز اقول اي حاجة.
• عاوز ارسل العمود لي لنميري شلبي.
• و…
• وانتهى…..
ليست هناك تعليقات:
إرسال تعليق